ShQO-da bir kúnde 20 mas júrgizýshi ustaldy
ShQO Polıtsııa departamenti baspasóz qyzmetiniń málimetine súıensek, 21 sáýirden bastap óńirde jol-kólik oqıǵalarynyń jáne jol erejelerin buzýshylyqtyń aldyn alý maqsatynda «Qaýipsiz jol» jedel aldyn alý sharasy ótkizilýde.
Bir kún ishinde tártip saqshylary jol erejesin buzýdyń 1 854 faktisin anyqtady. Onyń ishinde qoǵamdyq kóliktiń 19 júrgizýshisi quqyq buzýshylyq jasaǵan. Mas kúıinde kólik tizgindegen 20 júrgizýshi ustaldy. Qarsy jolaqqa shyqqany úshin 12 adam ákimshilik jaýapkershilikke tartylǵan. 99 júrgizýshi jyldamdyqty bekitilgen shekten asyrsa, 95-i manevr jasaý erejelerin buzdy. Sondaı-aq qaýipsizdik beldigin taqpaǵan - 250, rýlge otyryp telefon paıdalanǵan – 180 adam tirkelgen
«Máselen, Zaısan aýdanyndaǵy polıtseıler «Volkswagen» markaly avtokólikti toqtatqan kezde júrgizýshiniń ishimdik iship alǵany baıqalǵan. Medıtsınalyq kýálandyrýǵa jetkizilgennen keıin onyń ishimdik ishkeni rastaldy. Atalǵan fakti boıynsha er adamǵa qatysty QR ÁQBtK-niń 608-baby 1-bóligine sáıkes ákimshilik hattama toltyrylyp, avtokólik aıyppul turaǵyna jetkizildi», - dedi ShQO PD jergilikti polıtsııa qyzmeti basqarmasynyń bastyǵy Talǵat Nurıev.
Budan bólek, 345 jaıaý júrginshi jol erejelerin buzǵan. «Qaýipsiz jol» jedel aldyn alý sharasy 23 sáýirge deıin jalǵasady.