ShQO-da bir kúnde 100 mektep bitirý keshi ótti: Eshkim tártip buzǵan joq

ÓSKEMEN. QazAqparat – Shyǵys Qazaqstan oblysynda bir kúnde ótken 100 mektep bitirý keshinde qoǵamdyq tártipti buzǵandar bolǵan joq, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetinshe, óńir boıynsha osy aptada eki myńnan astam oqýshy mektep bitirgenderin atap ótip, kesh uıymdastyryp jatyr.

Sol keshterde qoǵamdyq tártiptiń saqtalýyn qamtamasyz etý, quqyq buzýshylyqtardyń aldyn alý úshin polıtseıler kúsheıtilgen jumys rejımine kóshti.

«Polıtsııa narıadtarynyń tyǵyzdyǵy ulǵaıtyldy, olardyń marshrýttary kesh ótkiziletin oryndarǵa barynsha jaqyn qoıyldy. Qalalarda jedel basqarý ortalyǵynyń beınebaqylaý kameralary da iske qosyldy. Tek 20 maýsymda oblysta 100 mektep bitirý keshi ótti. Sonyń barysynda qoǵamdyq tártipti buzǵandar tirkelgen joq», - delingen aqparatta.

Osy rette Shyǵys Qazaqstan oblystyq polıtsııa departamenti ustazdarǵa, ata-analarǵa, kámeletke tolmaǵandardyń basqa da zańdy ókilderine jáne túlekterge merekelik keshter barysynda qaýipsizdik sharalaryn qatań saqtaý qajettigin eske salady.