ShQO-da bir kúnde 10-nan astam mal urlyǵy tirkelgen
Shyǵys Qazaqstanda «Mar urlaýshy» dep atalatyn jedel aldyn alý sharalary júrgizilýde. Osy shara aıasynda mal tasymalyn baqylaıtyn 49 jedel top, et tasymalyn qadaǵalaıtyn 40 top búkil oblys boıynsha mal urlyǵynyń jolyn kesetin bolady. Sharanyń alǵashqy kúninde-aq 10-nan astam urlyqtyń beti ashylǵan.
«Jarma, Kókpekti, Besqaraǵaı, Glýbokoe aýdandary men Semeı qalasynda 9 urlyq oqıǵasy tirkeldi. Al Tarbaǵataı aýdanynda eki sıyr óriste júrgen jerinen pyshaqqa ilingen. Mal ıesi shyǵyndy 500 myń teńgege baǵalap otyr. Óskemen qalasynda eki ury qolǵa tústi. Olar maldy tabynnyń syrtynan ańdyp, qas qaraıa ıesiz qalǵandaryn urlaǵandaryn moıyndady. Keıin eki jigittiń mamyr-maýsym aılarynda oryn alǵan 4 urlyqqa qatysy bar ekeni anyqtaldy. Qazir olarǵa qatysty qylmystyq is qozǵalǵan» - delingen oblystyq ishki ister departamentiniń baspasóz qyzmeti taratqan aqparatta.
