ShQO-da bir kún ishinde 21 ret shóp órtendi
ÓSKEMEN. QazAqparat – Shyǵys Qazaqstan oblysynda bir kún ishinde 21 ret shóp órtendi, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, ótken táýlikte óńirdegi Kúrshim, Úrjar, Zaısan jáne Tarbaǵataı aýdandarynda qurǵaq shóp órtenýiniń 21 jaǵdaıy tirkeldi.
«Qutqarýshylar orman jáne dala alqaptarynda órt qaýipsizdigin qamtamasyz etý maqsatynda turaqty monıtorıng júrgizýde. Qazirgi ýaqytta oblys boıynsha profılaktıkalyq reıdterge shyǵatyn mobıldi toptar qurylyp jatyr. Olardyń mindeti – órttiń aldyn alý, azamattarǵa tilsiz jaýdyń qaýiptiligi týraly túsindirý», - dep habarlady vedomstvo ókilderi.
Osy rette, TJD mamandary óńir jurtshylyǵyn órt qaýipsizdigi erejelerin qatań saqtaýǵa shaqyrady. Órt shyqqan jaǵdaıda dereý «101» nemese «112»nómirlerine habarlasý qajet.
