ShQO-da bir aı buryn joǵalǵan qart baqtashy izdestirilýde
ASTANA. QazAqparat - Shyǵys óńirlik aeroutqyr jedel-qutqarý jasaǵynyń qutqarýshylary bir aı buryn joǵalyp ketken Sakmarıha aýylynyń 67 jasar turǵynyn izdestirip jatyr, dep habarlaıdy QR ІІM TJK baspasóz qyzmeti.
Qarııanyń týystary 28 kúnnen keıin ǵana izdeýge kirisken. Arada kóp ýaqyt ótkendikten izdestirý jumystary qıynǵa túsýde.
Er adam Rıdder qalasynan 45 shaqyrymdaǵy qystaqqa qaıtyp ketken edi. Bul jerde telefon baılanysynyń joq ekendigin atap ótý qajet. Jol ortasynda er adam tanys omartashylarda qonyp shyqqan. 2 qarashada ári qaraı ketken. Dál osy kúni aýa-raıy kúrt ózgerip ketti: jaýyn jaýyp, sońy qarǵa ulasty. Osydan beri ony eshkim kórmegen. Qarasha aıynyń sońynda qystaqtyń janynda ketip bara jatqan ańshylar úıdiń esigi qulyptaýly jáne maldardyń óz betimen jaıylyp júrgenin baıqaǵan.
30 qarashada ShÓAJQJ men Rıdder qalasynyń TJB-ǵa ákesiniń joǵalǵany týraly uly habar bergen. Joǵalýy yqtımal jerge, Krolchatnık kentiniń aýmaǵyna mamandandyrylǵan qarda júretin tehnıka: «Trekol», ÝAZ, qarda júrgish pen sany 6 adamnan turatyn jedel qutqarý jasaǵynyń toby shyqty.
Birinshi kúnnen bastap aq qutqarý jasaǵynyń kúshi Sakmarıha aýylyna qaraı 14 shaqyrymdaǵy jetýi qıyn taýly-ormandy jerge attandyryldy. Jaqyn mańdaǵy omartashylar tekserildi, shamamen sol jerge 67 jastaǵy azamat barýy múmkin edi.
Baǵyt alý jeri boıynsha joǵalǵan adamnyń toqtaýy yqtımal jerlerdiń bárin tekserildi. Bul aǵashtar, butalar, ózen saǵalary.
Іzdestirýdiń ekinshi kúni qutqarýshylarǵa ótimdiligi joǵary «Marsh» eki tehnıka men qutqarý jasaǵynyń taǵy tórt qyzmetkeri qosyldy. Іzdestirý jumystary Korchev bulaǵy aýdanynda, Chesnokovka ózeniniń joǵary aǵysynda jalǵasty, alaıda izdeý jumystary nátıjesiz boldy.
Úshinshi kúni qutqarýshylar Tatarka taýy aýdanyndaǵy 32 shaqyrymda ornalasqan ańshylar úıin tekserdi, týystarynyń paıymdaýlarynsha sol jerde túneýi múmkin edi. Ekinshi úı Golýshonok taýynan 22 shaqyrymda edi. Bul jerde de esh nátıje bermedi. Jetýi qıyn jerlerdi tekserý nátıje bermedi.
Qazir izdeý jumystary jalǵasýda.
