ShQO-da bir aptada 38 jasóspirim ákimshilik quqyq buzýshylyq jasaǵan

ÓSKEMEN. QazAqparat – Shyǵys Qazaqstan oblysynda bir aptada kámelettik jasqa tolmaǵandar arasynda 38 ákimshilik quqyq buzýshylyq tirkeldi, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, tártip saqshylary kámeletke tolmaǵandardyń alkogol, esirtki jáne psıhotroptyq zattardy tutynýynyń aldyn alý, qylmys jasaýynyń jolyn kesý maqsatynda reıd júrgizdi.

«Bir aptada polıtsııa qyzmetkerleri 67 balany, 93 zańdy ókildi turǵylyqty jeri boıynsha tekserdi. Olarǵa profılaktıkalyq maqsatta quqyqtyq jáne áleýmettik kómek kórsetildi. Sondaı-aq reıd barysynda 38 ákimshilik quqyq buzýshylyq anyqtaldy. Onyń ishinde 5 jasóspirim usaq buzaqylyq jasasa, ishimdik ishken eki balanyń ata-anasy jaýapqa tartyldy. Túngi ýaqytta áke-sheshesiniń qaraýynsyz kóshede júrgen 30 bala tirkeldi», - delingen aqparatta.

Kámelettik jasqa tolmaǵandardyń oıyn-saýyq mekemelerinde júrý jaǵdaıy da anyqtaldy. Máselen, Semeı qalasynda saǵat 22.00-den keıin 18-ge tolmaǵan balany ishke kirgizgen osyndaı mekemeniń ákimshisine aıyppul salynǵan. Sonymen qatar balanyń ata-anasy da jaýapqa tartyldy.