ShQO-da bıyl ınternet-alaıaqtyqqa qatysty 900-den astam qylmys tirkeldi

ÓSKEMEN. KAZINFORM — Shyǵys Qazaqstan oblysynda jyl basynan beri ınternet-alaıaqtyqqa qatysty 900-den astam qylmys tirkelgen. Turǵyndarǵa keltirilgen shyǵyn 2,5 mlrd teńgeden asty.

ShQO-da bıyl ınternet-alaıaqtyqqa qatysty 900-den astam qylmys tirkeldi
Foto: QR Qarjy naryǵyn retteý jáne damytý agenttigi

ShQO polıtsııa departamenti baspasóz qyzmetiniń málimetinshe, alaıaqtar kóbine telefon qońyraýlary, áleýmettik jeliler men messendjerlerdi paıdalanady. Ózderin bank nemese polıtsııa qyzmetkeri retinde tanystyryp, azamattardy «qaýipsiz shottarǵa» aqsha aýdarýǵa, SMS-kodtar men qupııasózderdi aıtýǵa kóndiredi. Sondaı-aq jalǵan ınvestıtsııalyq jobalar men fıshıngtik siltemeler arqyly da aldaıdy.

— Zardap shekkenderdiń 32,5 paıyzy — jaldamaly qyzmetkerler, 25 paıyzy — ózin-ózi jumyspen qamtyǵandar, 19 paıyzy — zeınetkerler. Bıyl bank kartalary men shottaryn zańsyz aqsha aýdarymdaryna paıdalanýǵa bergen 24 adam jaýapqa tartyldy. Olardyń esepshottary arqyly 13 mln teńgeden astam qarajat ótken. Qylmystyq kodekstiń 232-1-babynda bul áreket úshin jeti jylǵa deıin bas bostandyǵynan aıyrý jazasy qarastyrylǵan, — delingen aqparatta.

Jyl basynan beri Telegram arqyly jasalǵan 300-ge jýyq qylmys tirkeldi. Qazaqstan men Ýkraına Іshki ister mınıstrlikteriniń birlesken operatsııasy barysynda Ýkraına aýmaǵynda qazaqstandyqtarǵa qońyraý shalyp, alaıaqtyq jasaǵan koll-ortalyqtardyń uıymdastyrýshylary ustaldy. Shyǵys Qazaqstanda olardyń áreketinen zardap shekken alty adam anyqtalǵan. Qazir tergeý jalǵasyp jatyr.

— Óńirde kıberqylmystyń aldyn alý sharalary kúsheıtildi. ІІM-niń 2026-2028 jyldarǵa arnalǵan baǵdarlamasy aıasynda tórt respýblıkalyq jedel-profılaktıkalyq is-shara ótkizilip, 86 qylmys ashyldy. Jábirlenýshilerge 36 mln teńge qaıtaryldy, — delingen habarlamada.

Eske salsaq, osyǵan deıin ShQO-daǵy altyn ken ornyna qatysty asa iri kólemdegi alaıaqtyq deregi boıynsha qylmystyq is tergelip jatqany habarlanǵan.