ShQO-da bıyl abattandyrý qaǵıdalary 5 myńnan astam ret buzylǵan
ÓSKEMEN. KAZINFORM – Shyǵys Qazaqstan oblysynda jyl basynan beri abattandyrý qaǵıdalaryn buzýdyń 5 myńnan astam deregi anyqtaldy.
ShQO Polıtsııa departamentiniń málimetine súıensek, onyń ishinde 4332 derek aýmaqtardy abattandyrý qaǵıdalaryn buzýǵa qatysty bolsa, 832 jaǵdaı ortaq paıdalanylatyn oryndardy lastaý faktisi boıynsha tirkelgen.
- Óńirde eldi mekenderdiń tazalyǵyn saqtaýǵa, zańsyz qoqys úıindileriniń paıda bolýynyń aldyn alýǵa jáne turǵyndardyń ekologııalyq mádenıetin arttyrýǵa baǵyttalǵan respýblıkalyq «Taza Qazaqstan» ekologııalyq aktsııasy aıasyndaǵy jumystar jalǵasyp jatyr. Oblysta jyl basynan beri 120-dan astam zańsyz qoqys orny anyqtalyp, olardyń 87-si tolyqtaı joıyldy. Profılaktıkalyq jumystarda beınebaqylaý júıeleri de keńinen qoldanylyp keledi. Sonyń kómegimen bıyl 2 myńnan astam ákimshilik quqyq buzýshylyq anyqtaldy, - delingen aqparatta.
Onyń ishinde 1878 derek abattandyrý qaǵıdalaryn buzýǵa, al 137 jaǵdaı ortaq paıdalanylatyn oryndardy lastaýǵa qatysty bolyp otyr.
Osy rette, tártip saqshylary turǵyndardy abattandyrý qaǵıdalaryn saqtaýǵa jáne qoqysty belgilenbegen jerlerge tastamaýǵa shaqyrdy.
Eske salsaq, osyǵan deıin Qostanaıda zańsyz qoqys tókken júrgizýshiniń aıyppuly sot arqyly 34 esege óskeni habarlanǵan.
