ShQO-da bıyl 600 keliden astam esirtkiniń aınalymǵa túsýine tosqaýyl qoıyldy

ÓSKEMEN. KAZINFORM – Jyl basynan beri Shyǵys Qazaqstan oblysynyń polıtseıleri zańsyz aınalymǵa túsýge arnalǵan 600 keliden astam esirtkini tárkiledi. Bul tutynýshylarǵa jetýi múmkin mıllıonǵa jýyq bir rettik doza.

Atyraýdaǵy túrmege dronmen esirtki tektes zat pen nasybaı kirgizbek bolǵan
Foto: Vıdeodan skrın

ShQO Polıtsııa departamentiniń málimetinshe, bıyl óńirde esirtkiniń zańsyz aınalymyna qatysty 242 qylmys anyqtalǵan. Onyń ishinde esirtki satý boıynsha 116 derek jáne esirtki jarnamasyna qatysty 6 jaǵdaı tirkelgen. Sonymen qatar 13 jasyryn fıtozerthana men sıntetıkalyq esirtki óndiretin eki zerthana joıyldy.

Іri operatsııalardyń biri sáýir aıynda Glýbokoe aýdanynda júrgizildi. Tártip saqshylary ońtústik óńirden kelgen azamattar uıymdastyrǵan esirtki zerthanasynyń jumysyn toqtatty.

Zańsyz aınalymnan 80 keliden astam sıntetıkalyq esirtki tárkilendi.

- Esirtki bıznesine qarsy kúres ınternet keńistiginde de jalǵasyp jatyr. 779 esirtki saıty men jalpy somasy bir mlrd teńgeden asatyn 7 myńnan astam shot buǵattalǵan. Quqyq qorǵaý organdaryna oblys turǵyndary da kómektesip keledi. 2024 jyldyń qarasha aıynan bastap óńirde esirtki bıznesine qarsy kúreske járdemdesken azamattardy yntalandyrýdy kózdeıtin «Stop-narkotık» pılottyq jobasy júzege asyrylýda. Bıyl turǵyndardan túsken habarlamalardyń nátıjesinde eki qylmystyq is tirkeldi, - delingen aqparatta. 

Eske salsaq, buǵan deıin Qyzylordada esirtkige qatysty 67 derek qyzmettik ıtterdiń kómegimen anyqtalǵany habarlanǵan.