ShQO-da bıyl 400-ge jýyq adamdy ıt qapqan
ÓSKEMEN. KAZINFORM – Shyǵys Qazaqstan oblysynda jyl basynan beri 400-ge jýyq adam ıtterden zardap shekti.
Bul týraly ShQO sanıtarlyq-epıdemıologııalyq baqylaý departamentinen málim etti.
– Óńirde bıyl janýarlardyń tisteýi, tyrnaýy jáne silekeıiniń tııýi saldarynan 526 adam medıtsınalyq kómekke júgindi. Ótken jyldyń osy kezeńinde mundaı 441 jaǵdaı tirkelgen. ıAǵnı, kórsetkish birshama ósip otyr, - delingen aqparatta.
Azamattardyń 387-si ıtten, 113-i mysyqtan, al qalǵandary basqa janýarlardan zardap shekken.
– Adamǵa zııan keltirgen 500 ıt pen mysyqtyń 264-i (52,8%-y) ıesiz janýarlar. Osy rette, turǵyndarǵa janýarlar tistep nemes tyrnap alǵan jaǵdaıda dárigerlerge baryp qadalý qajettigin eskertemiz, - delingen habarlamada.
Eske salsaq, osyǵan deıin ıesiz ıtterdi aýlaýǵa qatysty erejeni jergilikti máslıhattar ózderi aıqyndaıtyny habarlanǵan. Bul týraly senator Arman Óteǵulov málim etti.
