ShQO-da bıyl 300-den astam bala shala týdy

ÓSKEMEN. KAZINFORM – Shyǵys Qazaqstan oblysynda jyl basynan beri 300-den astam bala shala týdy. Olardyń 35 paıyzy shetinep ketken.

ShQO densaýlyq saqtaý basqarmasynyń málimetine súıensek, óńir boıynsha bıyl 322 bala shala týǵan. Shaqalaqtardyń 65 paıyzy aman qalyp, 35 paıyzy shetinep ketken. Bul oń kórsetkish sanalady. 

Sonymen qatar jańa týǵan 27 náresteniń salmaǵy óte tómen boldy. Naqty aıtqanda, 500-den 999 gramǵa deıin.

«Oblystyq ana men bala ortalyǵy jansaqtaý bólimimen, ókpeni jasandy jeldetý apparattarymen, jylytylatyn ústeldermen jáne shala týǵan nárestelerdi kútýge qajetti barlyq qural-jabdyqpen jabdyqtalǵan. Júktiliktiń 22 aptasynda jáne odan keıin týǵan nemese salmaǵy 500 gramm jáne odan joǵary shaqalaqtar ómir súrip kete alady. Alaıda bul dárigerlerdiń bilimin, medbıkelerdiń biliktiligin qajet etetin aýyr jáne qajyrly jumys», - deıdi basqarma basshysynyń orynbasary Madına Myrzabekova.

Eske salsaq, osyǵan deıin SQO-da medıtsınalyq qyzmetke túsken shaǵymdardyń 80 paıyzy emhana jumysyna qatysty ekendigi habarlanǵan.