ShQO-da beınebaqylaý kameralary 16 myńnan astam quqyqbuzýshylyqty tirkedi
ÓSKEMEN.KAZINFORM – Shyǵys Qazaqstan oblysynda beınebaqylaý kameralary arqyly 16 myńnan astam quqyqbuzýshylyq anyqtaldy.
Bul týraly ShQO Polıtsııa departamentiniń baspasóz qyzmeti habarlady.
– Jedel basqarý ortalyqtaryndaǵy kameralardyń arqasynda osy jyldyń jeti aıynda 16 289 ákimshilik quqyqbuzýshylyq anyqtaldy. Onyń ishindegi basym bóligi jol qozǵalysy erejelerin buzýǵa qatysty – 11 688 jaǵdaı, – delingen aqparatta.
Budan bólek, kameralar qoǵamdyq oryndarda alkogoldik ishimdikterdi ishýdiń 1 759 faktisin anyqtaýǵa kómektesken. Polıtsııa qyzmetkerleri ár quqyqbuzýshylyq boıynsha qoldanystaǵy zańnama aıasynda tıisti sharalar qabyldady.
– Beınebaqylaý júıesiniń jumysy polıtsııaǵa quqyqbuzýshylyqtardy tek tirkep qana qoımaı, olarǵa jedel den qoıýǵa, zańbuzýshylyqtardyń aldyn alýǵa jáne óńir kóshelerindegi tártipti saqtaýǵa múmkindik beredi, – delingen habarlamada.
Eske salsaq, osyǵan deıin Astanada jańa beınebaqylaý kameralary qaýipsizdik beldigin taqpaǵan 20 myńnan astam júrgizýshini anyqtaǵany habarlandy.
