ShQO-da betperde shyǵarý óndirisi jolǵa qoıylady - Danıal Ahmetov
ÓSKEMEN. QazAqparat – Shyǵys Qazaqstan oblysynda turaqty epıdemıologııalyq jaǵdaıdy saqtaý úshin barlyq buqaralyq is-sharalar toqtatyldy, dep habarlaıdy QazAqparat.
«Búgin arnaıy jınalys ótkizip, koronavırýstyń aldyn alý sharalaryn kúsheıtý boıynsha birqatar naqty tapsyrma berdim. 3 naýryzdan bastap Shyǵys Qazaqstan aýmaǵynda kópshiliktiń qatysýymen ótetin buqaralyq is-sharalar toqtatylady.
Qazirgi ýaqytta oblystyń medıtsınalyq mekemeleri qajetti qural-jabdyqtarmen, dári-dármektermen tolyq qamtamasyz etilgen. Buǵan qosa, aýrýhanalarda arnaıy oqý-jattyǵýlar ótýde. Sondyqtan bul saqtyq sharalaryna túsinistikpen qarap, qoryqpaýǵa shaqyramyn», - dedi oblys turǵyndaryna úndeý jasaǵan oblys ákimi Danıal Ahmetov.
Ákimniń aıtýynsha, jergilikti kásiporyndarda qorǵanys maskalaryn jasaý týraly sheshim qabyldanǵan. Taıaý arada 500 myńnan astam betperde shyǵarylmaq.
