ShQO-da besinshi qabattan sekirmek bolǵan er adam qutqaryldy
ÓSKEMEN. QazAqparat – Shyǵys Qazaqstan oblysy Shemonaıha aýdanynyń polıtseıleri besinshi qabattan sekirmek bolǵan er adamdy qutqardy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, «102» jedel arnasyna qońyraý shalǵan Pervomaıskıı kentiniń turǵyny 30 jastaǵy kúıeýiniń óz-ózine qol jumsamaqqa árekettenip jatqanyn jetkizdi. Belgili bolǵandaı, er adam 5-qabattaǵy páter terezesinen sekirmek bolǵan.
«Oqıǵa ornyna ýchaskelik polıtsııa ınspektory Saıran Qalıev pen jedel ýákil Rýslan Qoıshybaev shuǵyl kelip jetti. Olar aıaǵyn terezeden shyǵaryp úı qabyrǵasyna tirep turǵan azamatty kóredi. Polıtsııa qyzmetkerleriniń biri er adammen kelissóz júrgizip, ony páterge qaıta kirgizý úshin temeki suraǵan. Sol kezde tártip saqshysy oǵan jaqyndap kelip ustap alyp, qaýipsiz jerge shyǵardy», - dep habarlady vedomstvo ókilderi.
Sondaı-aq Shemonaıýha aýdany turǵynynyń mas kúıinde bolǵany anyqtalyp otyr.
