ShQO-da bes kúnde mas kúıde kólik tizgindegen 50 júrgizýshi anyqtaldy
ÓSKEMEN. QazAqparat – Shyǵys Qazaqstan oblysynda bes kúnde mas kúıde kólik tizgindegen 50 júrgizýshi anyqtaldy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, tártip saqshylary óńir aýmaǵynda «Qaýipsiz jol» jedel aldyn alý sharasyn júrgizdi.
Bes kún ishinde polıtsııa qyzmetkerleri jol qozǵalysy erejelerin buzýdyń 6 649 faktisin anyqtady. Onyń ishinde mas kúıde kólik tizgindegen 50 júrgizýshi ustalyp, joldyń qarsy baǵytyna shyǵýdyń 41 faktisi tirkeldi.
«Qoǵamdyq kólik júrgizýshileri 48 ret quqyq buzýshylyqqa jol bergen. Jol erejesin saqtamaǵan jaıaý júrginshiler de az emes. Atap aıtqanda, 1300-den astam adam ákimshilik jaýapkershilikke tartyldy», - dep habarlady vedomstvo ókilderi.
Budan bólek, 72 avtokólik mamandandyrylǵan turaqqa qoıylyp, 73 kóliktiń memlekettik tirkeý nómiri alyndy.
