ShQO-da bes kúnde izdeýde júrgen 12 qylmysker ustaldy
ShQO Polıtsııa departamenti baspasóz qyzmetiniń málimetine súıensek, 23-29 tamyz aralyǵynda óńir aýmaǵynda «Quqyq tártibi» jedel aldyn alý sharasy júrgizilgen. Bes kún ishinde tártip saqshylary 150-ge jýyq qylmysty ashty. Onyń ishinde 50-i buryn jasalǵan.
«Jedel ýákilder izdeýde júrgen 12 qylmyskerdi ustady. Sondaı-aq 9 myńnan astam ákimshilik quqyq buzýshylyq tirkeldi. Atap aıtqanda, usaq buzaqylyq – 1349, qoǵamdyq oryndarda ishimdik ishý jáne mas kúıde bolý – 1951. 8 myńnan astam esepte turǵan adam turǵylyqty mekenjaıy boıynsha tekserildi», - dedi oblystyq PD Jergilikti polıtsııa qyzmeti basqarmasynyń bastyǵy Talǵat Nurıev.
Budan bólek, zańsyz aınalymnan 24 qarý tárkilengen. Mas kúıde kólik tizgindegen 86 júrgizýshi ákimshilik jaýapqa tartyldy.