ShQO-da benzınmen oınaǵan 11 jasar bala ajal qushty
ÓSKEMEN. QazAqparat - Qaıǵyly oqıǵa jeksenbi kúni Glýbokoe aýdany Cheremshanka aýylynda boldy. 11 jasar balany kúıik shalyp, mert boldy, dep habarlaıdy QazAqparat ShQO TJD-ǵa silteme jasap.
Kýágerlerdiń aıtýynsha, bala benzınmen oınaǵandy jaqsy kóretin bolǵan. Ol benzınmen túrli eksperımentter jasaǵan. Oqıǵa bolǵan kezde anasy kórshi bólmede mas kúıinde uıyqtap jatqan. Sol kezde benzınge ot qoıǵan11 jastaǵy bala órtenip ketken.
Oqıǵa ornyna órt sóndirýshiler shaqyrylǵan joq. Alaıda, TJ qyzmetkerleri eresekterdi balalarǵa jaýapty túrde qarap, olarǵa ýaqyt bólýge shaqyrýda.
Jyl basynan beri ShQO-da 700-den astam órt bolǵan, olardyń 55-i - balalardyń abaısyzdyǵynan oryn alǵan.
Qazirgi tańda is polıtsııa qyzmetkerlerine berildi.
