ShQO-da bazarda joǵalyp ketken 5 jasar qyz tabyldy
ÓSKEMEN. QazAqparat – Shyǵys Qazaqstan oblysy Shemonaıha aýdanynda bazarda joǵalyp ketken 5 jasar qyz tabyldy, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, «102» jedel arnasyna Shemonaıha qalasynyń 41 jastaǵy turǵyny habarlasqan.
Óz sózinde ol ortalyq bazarda qyzynyń joǵalyp ketkenin jetkizdi.
Oqıǵa ornyna birden tártip saqshylary kelip jetti. Olar bala bolýy múmkin oryndardyń barlyǵyn pysyqtap, kóshelerdi, úılerdi, aýlalardy aralap, Úbe ózeniniń jaǵasyn sholyp shyqty.
Jedel-izdestirý sharalarynyń nátıjesinde qyz aman-esen tabylǵan.
«Ýchaskelik ınspektor Bolat Mýsın qyzdy balalar úıiniń mańynda turatyn kórshilerinen tapty. Belgili bolǵandaı, bazarda qurbysyn kórgen 5 jasar bala áke-sheshesine eskertpeı onyń úıine ketip qalǵan», - delingen aqparatta.
Qazirgi ýaqytta qyz ata-anasyna tapsyryldy. Óz kezeginde olar jedel áreket etken polıtseılerge rızashylyǵyn bildirdi.
