ShQO-da baýkespeler 4 mln teńgeniń malyn urlap ketken
ÓSKEMEN. QazAqparat – Shyǵys Qazaqstan oblysy Ulan aýdanynda mal urlyǵymen aınalysqan eki jigit ustaldy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetinshe, 28 jáne 22 jastaǵy er adamdar 2017-2020 jyldar aralyǵynda jaıylymdaǵy maldy urlap kelgen.
«Tergeý barysynda anyqtalǵandaı, ekeýi 15 bas usaq mal men 2 jylqyny aıdap áketken. Osynyń saldarynan mal ıelerine 4 mln teńgeden astam materıaldyq zalal keltirildi. Qazirgi ýaqytta polıtsııa qyzmetkerleri olardy qolǵa túsirgen», - deıdi departament bastyǵy Saǵat Mádıev.
Búginde atalǵan fakti boıynsha QR QK-niń 188-baby 3-bóligimen sotqa deıingi tergeý amaldary júrgizilýde.
Esterińizge sala keteıik, bıyl 11 qańtardan bastap mal urlyǵyna qatysty qylmystyq jaýapkershilik kúsheıtilgen bolatyn.
