ShQO-da batareıaǵa qystyrylyp qalǵan balany kúıik shaldy
ÓSKEMEN. QazAqparat – Shyǵys Qazaqstan oblysynda eki bala qutqaryldy. Olardyń birin qutqarýshylar aǵash basynan túsirse, ekinshisin jylý batareıasynyń arasynan shyǵaryp aldy, dep habarlaıdy QazAqparat altaynews.kz saıtyna silteme jasap.
Rıdderde 15 jastaǵy jasóspirim aǵash basynda bir saǵattan astam otyrǵan. Anyqtalǵandaı, ol aǵashqa átkenshekti jóndeý úshin shyqqan. Biraq óz betimen keri túse almaı qalǵan.
Oblystyq Tótenshe jaǵdaılar departamentiniń mamandary Ivandy satynyń kómegimen túsirip aldy. Onyń jaǵdaıy jaqsy.
Al Semeıde ata-anasymen birge shańǵy bazasynan oralǵan 11 jasar bala batareıa túbinde jylynbaq bolǵan. Kenet qoly batareıa arasyna kirip ketip, shyqpaı qalǵan. Jaqyndary oǵan óz betimen kómektesýge tyrysqan. Alaıda, qutqarýshylardyń járdemi qajet bolǵan.
«Qutqarýshylar bólimi shaqyrtý boıynsha dereý jetip, balaǵa kómek kórsetti. Keıin jedel járdem mamandary onyń qolyn tanyp berdi. Onyń bilegin kúıik shaldy», - dedi ShQO TJD-dan.
Bala aýrýhanaǵa jatýdan bas tartqan.
