ShQO-da barlyq saýda oryndarynda dezınfektsııalaý júrgiziledi
ÓSKEMEN. QazAqparat – Shyǵys Qazaqstan oblysyndaǵy barlyq saýda nysandarynda dezınfektsııalaý júrgiziledi, dep habarlaıdy QazAqparat.
Bul týraly ShQO Aqparattyq ortalyǵynda ótken baspasóz brıfıngi barysynda oblystyq Kásipkerlik jáne ındýstrıaldyq-ınnovatsııalyq damý basqarmasynyń basshysy Erjan Shormanov málim etti.
«Jergilikti bılik ókilderi 5 746 nysandy aralap, jalpy aýmaǵy 1,1 mıllıon sharshy metrdi quraıtyn aýmaqqa tekserý jumystaryn júrgizdi. Budan bólek, jaýapty sala mamandary saýda oryndarynyń basshylarymen kelissóz júrgizdi. Soǵan sáıkes saýda úıleri men qoımalarda kúnine kem degende úsh ret dezınfektsııa júrgiziledi», - dedi ol.
Basqarma basshysynyń aıtýynsha, iri saýda ortalyqtary men bazarlar sanıtarlyq qaýipsizdikti saqtaı otyryp, saǵat 10.00 men 18.00 aralyǵyna deıin ǵana jumys isteıdi. Al azyq-túlik dúkenderi men sýpermarketterdyń jumys ýaqytyna ózgerister engizilmeıdi.
«Nan jáne kondıter ónimderi oraýly qalpynda saýdaǵa shyǵarylýy tıis. Sonymen qatar kıim-keshek satatyn bazarlar sanıtarlyq jaǵdaıdy qatań saqtap, saǵat 11.00-17.00 aralyǵynda ǵana jumys isteıtin bolady», - dedi Erjan Shormanov.
