ShQO-da balyq qoryn saqtaý úshin muz betin burǵylap jatyr
ÓSKEMEN. QazAqparat – Shyǵys Qazaqstan oblysynda sý qoımalaryndaǵy balyq qoryn saqtaý úshin muz betin burǵylaý jumystary júrgizilýde, dep habarlaıdy QazAqparat tilshisi.
ShQO Tabıǵı resýrstar jáne tabıǵat paıdalanýdy retteý basqarmasynyń dereginshe, balyq aýlaý kásiporyndary jyl saıyn óńirdiń sý aıdyndarynda melıoratıvtik jumystar júrgizýde. Mundaǵy maqsat – balyq qoryn saqtaý jáne arttyrý. Sondaı-aq ózenderdegi balyqtyń qyrylýyn boldyrmaý jáne sýdaǵy ottegi azaıyp ketpes úshin qys kezinde muz beti burǵylanady.
«Osy syndy jumystar ǵylymı uıymdardyń usynymdary negizinde júzege asyrylady. Olar bizge melıoratıvtik jumystardyń qajettiligin, kútiletin nátıjeler men boljamdardy, naqty melıoratıvtik jumystar júrgizilýi tıis jerlerdi, merzimderin jáne ádis-tásilderin aıtyp otyrady», - delingen habarlamada.
Osyndaı sharalar Kúrshim aýdanyndaǵy Buqtyrma sý qoımasynda, Torańǵy shyǵanaǵynda jáne Qara Ertis ózeninde júrgizilgen.
Esterińizge sala ketsek, osyǵan deıin ShQO-daǵy Aıagóz ózeninde balyq qyrylǵandyǵyn habarlaǵan bolatynbyz.
