ShQO-da balyq aýlaý erejesin buzǵan 260 adam anyqtaldy
ÓSKEMEN. QazAqparat – Shyǵys Qazaqstan oblysynda balyq aýlaý erejesin buzǵan 260 adam anyqtaldy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, óńir boıynsha «Ýyldyryq-2021» jedel aldyn alý sharasy júrgizilýde. Ol bastalǵaly beri tártip saqshylary 354 ret reıdke shyǵyp, 269 zańbuzýshylyqty anyqtady.
«Onyń ishinde zańsyz balyq aýlaǵan 6 adam ustaldy. QR Qylmystyq Kodeksiniń 335-babyna sáıkes is qozǵalyp, 1595 keli balyq tárkilendi. Osynyń saldarynan memleketke keltirilgen zalal mólsheri – 2 669 947 teńgeni qurap otyr. Sonymen qatar balyq aýlaý erejesin buzǵan 260 adam anyqtaldy. Olarǵa qatysty QR ÁQBtK-niń 383-babyna sáıkes ákimshilik hattama toltyryldy», - delingen aqparatta.
Aıta keteıik, «Ýyldyryq-2021» jedel aldyn alý sharasy 30 mamyrǵa deıin jalǵaspaq.
