ShQO-da balasyna alıment tólemeı júrgen 60-tan astam adam anyqtaldy
ÓSKEMEN. QazAqparat – Shyǵys Qazaqstan oblysynda balasyna alıment tólemegen 60-tan astam adam anyqtaldy, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, óńir boıynsha jyl basynan beri balasyna alıment tólemegen 60-tan astam azamat tabyldy.
«Máselen, Úrjar aýdanynda tártip saqshylaryna alıment tóleýden jaltaryp júrgen er adamǵa izdeý jarııalaý týraly jeke sot oryndaýshysynyń qaýlysy tústi. 34 jastaǵy er adam kámeletke tolmaǵan jalǵyz balasyn asyraýǵa alımentti bir jyldan astam ýaqyt boıy tólemegen. Kóshi-qon qyzmeti bóliminiń mamandary azamatty bir táýlik ishinde tapty. Shyǵys Qazaqstan oblysynyń turǵyny Almaty qalasynda júrgen», - delingen aqparatta.
Er adam óz sózinde resmı jumysqa ornalasa almaı, kezdeısoq tabyspen kúnkórip júrgendikten, alıment tóleı almaǵanyn aıtty.
Endi tártip buzýshydan qaryzdy óndirip alýmen sot oryndaýshylary aınalysady.
