ShQO-da balasyna alıment tólemeı júrgen 100-den astam adam anyqtaldy
ÓSKEMEN. QazAqparat – Shyǵys Qazaqstan oblysynda jyl basynan beri balasyna alıment tólemeı júrgen 100-den astam adam anyqtaldy, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, tártip saqshylary jyl basynan beri óńir aýmaǵynda balasyna alıment tólemeı júrgen 100-den astam adamdy anyqtady. Máselen, Óskemende er adam qyzyna 4,3 mln teńge qaryz bolǵan.
Azamat 14 jastaǵy qyzyna 2021 jyldyń aqpan aıynan beri aqsha aýdarmaı keldi. Jeke sot oryndaýshysy kóshi-qon qyzmetine 36 jastaǵy azamatqa izdeý jarııalaý týraly qaýly jibergen.
«Іzdestirý is-sharalary barysynda alıment tóleýden jaltaryp júrgen adamnyń qaıda ekendigi anyqtady. Endi qaryzdy óndirip alýmen sot oryndaýshylary aınalysady», - dedi oblystyq PD kóshi-qon basqarmasy bastyǵynyń mindetin atqarýshy Rınat Shkıbaev.
Eske salsaq, osyǵan deıin ShQO-da jeńil kólik pen KamAZ soqtyǵysyp, eki jolaýshy kóz jumǵanyn habarlaǵan edik.
