ShQO-da balasyna alıment tólemegen er adam túrmege qamaldy

ÓSKEMEN. KAZINFORM – Shyǵys Qazaqstan oblysy Ulan aýdanynda balasyna alıment tólemeı kelgen er adam sottaldy.

Osyǵan qatysty sot isi Óskemen qalasynyń qylmystyq ister jónindegi aýdanaralyq sotynda qaraldy. 

- Er adamǵa ótken jyly QR QK-niń 139-baby boıynsha alıment tóleýden jaltarǵany úshin bas bostandyǵynan shekteý jazasy kesilgen. Alaıda onyń durys jolǵa túspegeni anyqtaldy. Jazasyn óteý kezinde ol birneshe ret belgilengen tártipti buzyp, sot júktegen mindetterdi oryndaýdan qasaqana jaltaryp, kámeletke tolmaǵan balasyna alıment tólemeýdi jalǵastyrǵan, - dep habarlady Ulan aýdandyq prokýratýrasynan. 

Sot júktegen mindetterdi oryndamaǵany úshin sottalǵan azamat qalǵan jaza merzimin, ıaǵnı 1 jyl 4 aıyn túrmede ótkizedi. 

Eske salsaq, osyǵan deıin Qostanaı oblysynda alıment boıynsha 72 boryshker qylmystyq jaýapkershilikke tartylǵany habarlanǵan.