ShQO-da balasyna 3 mln teńge alıment tólemegen er adamǵa kólik aıdaýǵa tyıym salyndy

ShQO soty baspasóz qyzmetiniń málimetine súıensek, Katonqaraǵaı aýdanynda turatyn azamat balasyna birneshe jyl boıy alıment tólemegen. 

«Anyqtalǵandaı, er adam esh sebepsiz alıment tólemeı kelgen. Osylaısha, onyń balasyna qaryzy 3 mln teńgeden asty. Áıel shaǵym túsirgen soń jeke sot oryndaýshysy sottan boryshkerdi júrgizýshi kýáliginen aıyrýdy surady», - delingen aqparatta.

Sot sheshimimen er adam balasyna alımentti tolyqtaı tólemeıinshe kólik aıdaýǵa tyıym salyndy. Úkim áli zańdy kúshine engen joq. 

Eske salsaq, osyǵan deıin Almaty oblysynda alıment boıynsha 2,7 mln qaryz azamat qamaýǵa alynǵany habarlanǵan.