ShQO-da balalarǵa tehnologııa tilin úıretetin IT-hab ashylady
Oblys ákimdigi, «Astana Hub» IT-startaptar halyqaralyq tehnoparki jáne D.Serikbaev atyndaǵy ShQTÝ birlesip, Óskemende IT-hab ashýdy kózdep otyr. Osy maqsatty júzege asyrý úshin búgin «Startup academy» tehnologııalyq kásipkerlik kýrsyn iske qosý týraly kelisimge qol qoıyldy.
«Prezıdenttiń 100 myń IT maman daıarlaý týraly tapsyrma bergeni belgili. Jas shyǵysqazaqstandyqtar endi alysqa barmaı-aq IT-bıznes negizderin úırene alady. Bul bizdiń oblystyń IT-salasyn damytý úshin bolashaǵy zor bastama bolmaq. Osynyń nátıjesinde balalar tehnologııa tilin úırenip, bilimderin odan saıyn damytýǵa jaqsy múmkindik jasalady», - deıdi ýnıversıtet rektory Sáýle Rahmetýllına.
«Astana Hub» tehnoparki basqarýshy dırektory Alına Abdrahmanovanyń aıtýynsha, kýrstyń basty maqsaty – balalarǵa alǵashqy ıdeıadan startapqa qalaı jetýge bolatynyn kórsetý.
«Jurtshylyqqa IT baǵyttaryn tanystyrý, tehnologııalyq kásipkerlikti damytý, bilim berý baǵdarlamalaryn, bıznes-ınkýbatsııalyq baǵdarlamalardy ilgeriletý – osy kýrstyń arqasynda múmkin bolady. Sondaı-aq bul salaǵa ınvestıtsııalar tartý turǵysynan respýblıkalyq qana emes, halyqaralyq deńgeıge shyǵý úshin de qajet», - deıdi ol.
Foto: gov.kz
