ShQO-da balalarǵa memlekettik tildi úıretý úshin til lagerleri ashylmaq
Bul týraly ShQO ákimdiginiń otyrysynda aıtyldy.
«Búginde til saıasaty máselesi ózekti. Aýyzeki qazaq tilin úıretýge erekshe nazar aýdarý qajet. Ol úshin álemdik tájirıbeni paıdalana otyryp, qalada oqıtyn balalardy jazda aýyldardaǵy qazaq otbasylaryna jiberip, tildik ortaǵa engizgen jón. ıAǵnı, til lagerlerin ashýymyz kerek. Al ártúrli etnostardyń óz ana tilderin úırenýi úshin bizde barlyq jaǵdaı jasalǵanyn atap ótkim keledi», - dedi aımaq basshysy Danıal Ahmetov.
Sondaı-aq jınalysta bilim salasyn tsıfrlandyrý máselesi talqylandy. Óńirdiń barlyq mektebinde IT jáne robototehnıka synyptary jumys istep tur.
«Bilim berý mekemeleri beınebaqylaý júıelerimen jáne dabyl túımelerimen tolyqtaı jabdyqtalǵan. Digital East qosymshasy arqyly ata-analar da baqylaý jasaı alatyn baǵdarlama engizilýde. Budan bólek, oqýshylarymyzdy tsıfrlyq oqytý álemdik úrdister men standarttarǵa saı bolýy úshin de arnaıy baǵdarlama ázirleýmen aınalysatyn jumys toby qurylady», - dedi oblys ákimi.
