ShQO-da balalarǵa ǵylymmen aınalysýǵa múmkindik beretin zamanaýı ortalyq salynady
Aımaq basshysy Danıal Ahmetov bilim, mádenıet, sport jáne qurylys basqarmalarynyń basshylarymen «Zerde» ǵylymı-shyǵarmashylyq ortalyǵyn salý jobasyn talqylady.
«Ortalyqta ǵylymı zerthanalar, mýzeı ekspozıtsııalary men shyǵarmashylyq synyptar bolady. Óńirdiń daryndy balalary jasandy ıntellektke, kvanttyq fızıkaǵa, ǵaryshqa qatysty bilimderin arttyryp, zertteýlermen aınalysatyn bolady. Olar eń ozyq álemdik jabdyqtardy paıdalanady. Osylaısha, biz balalar jasaǵan kishkentaı bolsa da óte mańyzdy ǵylymı jańalyqtardyń kýási bolyp qalýymyz múmkin», - dedi oblys ákimi.
Onyń aıtýynsha, balalar mindetti túrde ǵylymmen aınalysýlary kerek. Olardy kishkentaı kúninen yntalandyryp, shabyttandyryp otyrǵan durys.
«Ortalyqta 18 ǵylymı zerthana, qolóner, kórkemóner jáne aspazdyq sheberhanalary, mýzykalyq synyptar, sport jáne oıyn zaldary qarastyrylǵan. Kishkentaı búldirshinderdi ertegiler álemine jeteleıtin zal bolady. Arheologııalyq murajaıǵa da oryn tabylady. «Zerde» ortalyǵy jurt otbasylarmen kelip, kúni boıy jaqsy demalys ótkizetin orynǵa aınalady. Mamandarǵa joba barysynda bolashaqta balalardy qyzyqtyratyn tyń dúnıelerdi eskerýge keńes berdim», - dedi Danıal Ahmetov.
