ShQO-da balalarǵa arnalǵan 3 myńnan astam sport sektsııasy ashylady

ÓSKEMEN. QazAqparat – Shyǵys Qazaqstan oblysynda balalarǵa arnalǵan 3 myńnan astam sport sektsııasy ashylady, dep habarlaıdy QazAqparat tilshisi.

ShQO ákimdiginiń málimetine súıensek, buqaralyq sportty damytý úshin burynǵy aýdan ortalyqtarynda 14 dene shynyqtyrý-saýyqtyrý kesheni salynady. Sondaı-aq Altaı, Aıagóz, Rıdder jáne Kýrchatov qalalarynda 4 zamanaýı fıtnes-ortalyq ashylmaq.

Búginde Óskemende Qazaqstanda balamasy joq ústel tennısi ortalyǵynyń qurylysy aıaqtalýǵa jaqyn. 300-ge jýyq kórermen sııatyn zamanaýı ortalyqta 58 kort bolady.

«2025 jylǵa deıin oblystyń jalpy bilim beretin mektepterinde balalarǵa arnalǵan 3213 sport sektsııasy óz jumysyn bastaıdy. Onyń ishinde osy jyly 1268 sektsııa ashylady. Nátıjesinde, 22 myń bala sportpen shuǵyldanýǵa múmkindik almaq», - delingen aqparatta.