ShQO-da balalardyń otpen oınaýynan 6 órt boldy
ÓSKEMEN. QazAqparat - ShQO Tótenshe jaǵdaılar departamenti mamandary taldaý júrgizip, jyl basynan beri balalardyń otpen oınaýynan 6 órt bolǵanyn anyqtady, dep habarlaıdy QazAqparat.
«Keshe Semeı qalasyndaǵy 6-shy Jolamanov kóshesinde jeke turǵyn úıdiń aýlasynda jalpy aýdany 30 sharshy metr órt boldy. Jalyn tez arada kórshi úı ǵımarattarǵa tarady. Tótenshe oqıǵa balalardyń otpen oınaýy sebebinen týǵan. Sol sııaqty, Samar aýylyndaǵy Krasnoarmeıskaıa kóshesinde qoqys órtenip, órt qoraǵa jetti. Qutqarýshylar jalpy aýdany 45 sharshy metr órtti sóndirdi. Munda da órt 2013 jyly týǵan kámeletke tolmaǵan balanyń otpen oınaýynan týǵan. Osyǵan uqsas órtti 2008 jyly týǵan jasóspirim Borodýlıha aýdany Zýbaır aýylynda jasaǵan. Nátıjesinde jalpy aýdany 144 sharshy metr sharýashylyq qurylystary blogy órtendi», - delingen habarlamada.
