ShQO-da balalardyń sapaly bilim alýǵa degen quqyqtarynyń óreskel buzylǵany anyqtaldy
ÓSKEMEN. KAZINFORM - Shyǵys Qazaqstan oblysy Úlken Naryn aýdanynda erekshe bilim berýdi qajet etetin balalarǵa zańda belgilengen aptasyna 19 saǵattyń ornyna nebári 8 saǵat úıden oqytý sabaǵy ótkizilgen.
Prokýratýra qyzmetkerleri júrgizgen tekserý barysynda jeke oqý josparlaryna mindetti pánderdiń engizilmegeni, psıhologııalyq-medıtsınalyq-pedagogıkalyq konsýltatsııanyń usynymdary oryndalmaǵany anyqtaldy.
Sonymen qatar sabaq ótkizýge tıisti arnaıy daıarlyǵy joq pedagogter tartylǵan.
Budan bólek, is júzinde ótkizilmegen sabaqtar úshin muǵalimderge zańsyz aqy tóleý faktileri de anyqtaldy.
— Tekserý barysynda balalardyń sapaly bilim alýǵa degen quqyqtarynyń óreskel buzylǵany anyqtaldy. Prokýrorlyq den qoıý sharalary qabyldanyp, balalardyń quqyqtary qalpyna keltirildi, — dep habarlady ShQO prokýratýrasynan.
Prokýratýranyń aralasýynan keıin 4 mekteptiń basshysy tártiptik jaýapkershilikke tartyldy. Al 8 pedagog negizsiz alǵan qarajatyn bıýdjetke qaıtardy.
Qadaǵalaý organynyń qyzmetkerleri kámeletke tolmaǵandardyń quqyqtaryn qorǵaý jáne bilim berý sapasyn qamtamasyz etý baǵytyndaǵy jumystardy jalǵastyryp jatyr.
Eske salsaq, osyǵan deıin SQO-da mektep muǵalimderin aqsha jınaýǵa májbúrlegeni habarlanǵan.
