ShQO-da balalar úıindegi jasóspirimdi uryp-soqqan eki tárbıeshige úkim shyqty
ÓSKEMEN. QazAqparat – Shyǵys Qazaqstan oblysy Aıagóz qalasyndaǵy balalar úıinde 2006 jylǵy balaǵa dene jaraqatyn keltirý faktisi boıynsha sot isi máresine jetti, dep habarlaıdy QazAqparat tilshisi.
Esterińizge sala ketsek, Aıagózde kámeletke tolmaǵan balany uryp-soǵý faktisi boıynsha sot isi qaralyp jatqanyn habarlaǵan edik.
Іs oblys prokýrorynyń baqylaýyna alynyp, oqıǵa ornyna ShQO ákiminiń orynbasary Álısher Marhabat barǵan bolatyn.
Aıagóz aýdandyq soty baspasóz qyzmetiniń málimetine súıensek, eki aıyptalýshyǵa qatysty úkim shyqqan.
«Balalar úıiniń eki tárbıeshisine qatysty QR Qylmystyq Kodeksiniń 140-baby 2-bóligine (Kámeletke tolmaǵan adamdy tárbıeleý jónindegi mindetterdi oryndamaı, qatygezdik tanytý) sáıkes is qaraldy. Anyqtalǵandaı, olar eki balaǵa qol kóterip, jeńil dárejede dene jaraqatyn keltirgen. Aıyptalýshylar óz kinásin moıyndap, istegen isine qatty ókinetinin jetkizdi» delingen habarlamada.
Sot úkimimen «I» esimdi sottalýshy bala tárbıeleýge qatysty kez kelgen mekemede jumys isteý quqyǵynan 2 jylǵa aıyrylyp, 100 saǵattyq qoǵamdyq jumysqa tartyldy.
Al «D» esimdi aıyptalýshy bala tárbıleýge qatysty kez kelgen mekemede jumys isteý quqyǵynan 2 jylǵa aıyrylyp, 40 AEK mólsherinde aıyppul tóleýge mindetteldi.
Úkim áli zańdy kúshine engen joq.
