ShQO-da balalar mingen avtobýs apatqa ushyrady
ÓSKEMEN. QazAqparat – Shyǵys Qazaqstan oblysynda balalar otyrǵan avtobýs jol apatyna ushyrady, dep habarlaıdy QazAqparat.
ShQO polıtsııa departamenti baspasóz qyzmetiniń málimetine sensek, oqıǵa búgin Glýbokoe aýdany Praporşıkovo aýylyndaǵy «Óskemen-Shemonaıha» tasjolynda bolǵan. Balalar sport jarysyna qatysý úshin avtobýspen oblys ortalyǵynan Shemonaıha aýdanyna bara jatqan.
«Aldyn ala málimet boıynsha, Howo júk kóligi qarsy jolaqqa shyǵyp ketip, qoǵamdyq kólikpen soqtyǵysqan. Oqıǵanyń mán-jaıy anyqtalýda», - dep habarlady vedomstvo ókilderi.
Qazirgi ýaqytta sol jerde tártip saqshylary men jedel járdem qyzmetkerleri jumys istep jatyr. Qaza tapqan eshkim joq. Zardap shekkender sany anyqtalýda.
