ShQO-da bala men jigit sýǵa ketti - TJK
ÓSKEMEN. QazAqparat - Shyǵys Qazaqstan oblysynda senbi kúni eki adam sýǵa ketti, dep habarlaıdy QazAqparat QR ІІM TJK baspasóz qyzmetine silteme jasap.
Baspasóz qyzmetiniń málimetinshe, sýǵa batyp ketkenderdiń biri - jeti jasar bala.
2 maýsymda Semeı qalasynyń Bobrovka kentinde Ertis ózeninde belgilenbegen jerde ózenge shomylǵan 1998 jylǵy jigit sýǵa ketti.
Sol kúni Jarma aýdany Qyzylaǵash aýylynyń Qarasý ózeninde 2012 jyly dúnıege kelgen bala arnaıy jabdyqtalmaǵan jerde sýǵa shomylmaq bolǵanda batyp ketken.
«Birinshi jaǵdaıda aǵysy qatty ózende shomylýdyń qaýipti ekendigin, sýda júze almaıtynyn eskermegen adam ajal qushsa, ekinshi qaıǵyly oqıǵada balanyń ólimi ata-ana baqylaýynsyz qalýynan oryn alǵan bolýy múmkin», - delingen habarlamada.
Foto: newsnn.ru
