ShQO-da baǵaly metaldardy zańsyz óndirgender ustaldy
ÓSKEMEN. KAZINFORM – Ulan aýdanynda júrgizilgen reıdtik is-sharalar barysynda baǵaly metaldardy izdeý úshin tıisti lıtsenzııasyz jer qazýmen aınalysqan zańsyz kenshilerdiń eki toby anyqtaldy. Bul týraly ShQO mamandandyrylǵan tabıǵat qorǵaý prokýratýrasy málim etti.
Málim bolǵandaı, kenshiler 4 metall izdegishti paıdalanǵan, olar keıinnen tárkilengen.
Sonymen qatar, jaıylymdyq jerlerde arnaıy tehnıkany paıdalanyp jer qoınaýyn zańsyz óndirý saldarynan qorshaǵan ortaǵa zııan keltirý faktisi anyqtaldy.
«Anyqtalǵan zań buzýshylyqtar boıynsha materıaldar tıisti sharalar qabyldaý úshin polıtsııaǵa jiberildi. Bul rette polıtseıler jaıylymdyq jerlerdi paıdalaný kezinde zardap shekkenderdi anyqtaý sharalaryn júrgizip jatyr», — delingen habarlamada.
Prokýratýra organdary maýsymdyq sıpatty eskerip, jer qoınaýyn zańsyz paıdalaný faktilerin anyqtaý jáne jolyn kesý boıynsha qarqyndy jumysty jalǵastyrmaq.
