ShQO-da azyq-túliktiń qymbattaýyna jol bermeý úshin 1 myńnan astam kásipkermen kelisimshart jasaldy
ShQO Kásipkerlik jáne ındýstrııalyq-ınnovatsııalyq damý basqarmasynyń málimetine súıensek, ótken jyly óńir boıynsha arzandatylǵan baǵadaǵy jemis-kókónis ónimderi 23 saýda pavılonynda satylǵan. Al osy jyldyń aqpan aıynan bastap satý núkteleriniń sany 68-ge deıin ulǵaıdy.
«Qalalar men aýdandardyń ákimdikteri Memlekettik kirister departamentimen birlesip saýda oryndarynda áleýmettik mańyzy bar azyq-túlik baǵasynyń ruqsat etilgen saýda ústemesinen asyp ketýiniń aldyn alý maqsatynda baqylaýdy kúsheıtti. Sonymen qatar 1046 aýyl sharýashylyǵy taýaryn óndirýshilermen, kóterme satýshylarmen jáne saýda oryndarynyń ıelerimen eń tómengi 7-10% saýda ústemesin qoldaný týraly memorandýmdar jasaldy. Jalpy oblys boıynsha 17 áleýmettik dúken jáne 227 áleýmettik burysh jumys istep tur», - deıdi basqarma basshysy Eldos Baırahmetov.
Onyń aıtýynsha, azyq-túlik tapshylyǵyn boldyrmaý maqsatynda qalalar men aýdandardyń ákimdikteri saýda ortalyqtary men azyq-túlik dúkenderinde turaqty negizde áleýmettik mańyzdaǵy taýar qoryna monıtorıng júrgizýde.