ShQO-da azyq-túlik baǵasyn turaqtandyrý úshin qandaı sharalar atqarylýda
ShQO Kásipkerlik jáne ındýstrııalyq-ınnovatsııalyq damý basqarmasynyń basshysy Ernar Mýstafınniń aıtýynsha, búginde óńir boıynsha 1 597 kóterme satýshylarmen, aýyl sharýashylyǵy taýar óndirýshilerimen jáne saýda obektilerimen eń az 7% saýda ústemesin qoldaný týraly memorandýmdar jasaldy.
«Byltyr áleýmettik mańyzy bar azyq-túliktiń baǵasyn turaqtandyrý tetikterin iske asyrýǵa oblystyq bıýdjetten 1,404 mlrd teńge bólindi. Kartop, sábiz, pııaz, qyryqqabat, un, kúrish, qant, qaraqumyq jarmasy, kúnbaǵys maıy, jumyrtqa baǵasyn turaqtandyrý úshin kásipkerlerge jeńildikpen qaryz berildi. Qazirgi ýaqytta «aınalym shemasy» sheńberinde 4595 tonna ónim bar. Onyń ishinde: qant - 82 tonna, un – 1358 tonna, kúrish - 97 tonna, qaraqumyq jarmasy - 1237 tonna, kúnbaǵys maıy – 1669 tonna jáne jemis-kókónis ónimderi - 8455 tonna», - dedi ol.
Búgingi tańda «Agrofırma Prırechnoe» JShS Óskemen jáne Semeı qalalarynyń turaqtandyrý qory pavılondaryna jemis-kókónis ónimderin tómendetilgen baǵalar boıynsha ótkizýde. «Ertis» ÁKK saýda oryndarynda kartop, qyryqqabat jáne sábiz kelisine 82 teńgege satylady.
«Kartop 15 mamyrǵa deıin, pııaz ben sábiz 1 mamyrǵa deıin, qyryqqabat 1 sáýirge deıin osy baǵamen satylady. Sondaı-aq «Semey Qus» JShS, «Krýpnoff» JShS-men jasalǵan sharttarǵa sáıkes, 1 sanattaǵy 10 jumyrtqa saýda núktelerinde 330 teńgeden satylyp jatyr. 1 surypty bıdaı nany baǵasyn turaqtandyrý maqsatynda Óskemen qalasynyń ákimdigi «Eco-Agro» JShS, «Hlebozavod Karavaı» JShS jáne «Vostok Elıt» JShS naýbaıhanalarymen saýda obektilerine eń tómengi qun boıynsha satýǵa qatysty ýaǵdalastyq jasasty. Satýdyń sońǵy baǵasy bir bólke úshin 95 teńgeni quraıdy», - dedi Ernar Mýstafın.
