ShQO-da azyq-túlik baǵasyn baqylaıtyn 46 monıtorıng toby quryldy
«Nur Otan» partııasy ShQOF janyndaǵy qoǵamdyq keńes músheleri áleýmettik mańyzy bar azyq-túlik baǵasyn turaqtandyrý máselelerin talqylady.
«Memleket basshysy Qasym-Jomart Toqaev partııa músheleriniń aldyna jańa mindetter qoıdy. Prezıdent óńirlerdegi ózekti áleýmettik-ekonomıkalyq problemalardy sheshýge partııa músheleriniń qatysýyn kúsheıtý qajettigin málimdedi. Búginde áleýmettik mańyzy bar taýarlardyń baǵasyn turaqtandyrý – osyndaı máselelerdiń biri bolyp otyr. Bizdiń basty mindetimiz – osy ónimderge baǵanyń negizsiz ósýine jol bermeý», - dedi fılıal tóraǵasynyń birinshi orynbasary Oleg Chýgýnkov.
Onyń aıtýynsha, eń áýeli monıtorıng toptary quryp, tekserýlerdi kúsheıtý qajet.
«Osyndaı toptarǵa partııa múshelerinen bólek, qyzyǵýshylyq tanytqan azamattar tartylady. Reıd jumystary apta saıyn júrgiziledi. Búgingi tańda oblystaǵy saýda nysandaryn aralaıtyn 46 monıtorıng toby quryldy», - dedi O.Chýgýnkov.
