ShQO-da Azııa chempıonaty bastaldy
ÓSKEMEN. QazAqparat - Búgin voleıbol oıyndarynan áıelder arasynda ótkiziletin halyqaralyq Azııa chempıonaty bastaldy, oǵan myqty 8 komanda qatysýda, dep habarlaıdy QazAqparat tilshisi.
Azııa chempıonatynyń ashylý saltanatyna Shyǵys Qazaqstan oblysynyń ákimi qatysyp, sóz sóıledi. 
«Bizge aýqymdy osyndaı sharany ótkizýge senim bildirgen voleıboldan Azııa konfederatsııasyna alǵys bildiremiz. Jarysqa qatysýshylarǵa sáttilik tileımin», - dedi ákim.
Azııa kontınentindegi úzdik sportshylar qatysyp jatqan jarysta Qazaqstannyń namysyn «Altaı» voleıbol komandasy qorǵaıtyn bolady. Chempıonat 31 maýsymda óz máresine jetedi.
