ShQO-da azyq-túlik baǵasyn shekten tys kótergen kásipkerler jazalandy
ÓSKEMEN. KAZINFORM – Shyǵys Qazaqstan oblysynyń dúkenderine júrgizilgen tekserý barysynda saýda erejeleriniń buzylǵany anyqtaldy.
Keıbir saýda oryndarynda taýarlardyń baǵasy kórsetilmegen. Sonymen birge áleýmettik mańyzy bar azyq-túlikke ruqsat etilgen mólsherden joǵary baǵa qoıylǵan.
Tekserýdi ShQO Saýda jáne tutynýshylardyń quqyqtaryn qorǵaý departamentiniń qyzmetkerleri júrgizdi. Olar dúkenderdi, bazarlardy aralap shyqty.
Zańbuzýshylyqtar tirkelgen taýarlar qatarynda kókónister, et jáne sút ónimderi bar.
- Tekserý barysynda taýar syrtynda baǵanyń jazylmaı turǵandyǵy, jumyrtqa men qantty qosa alǵanda, jekelegen áleýmettik mańyzy bar azyq-túlik taýarlaryna ruqsat etilgen saýda ústemesiniń asyrylǵany anyqtaldy. Zań talaptaryna sáıkes mundaı taýarlarǵa qoıylatyn saýda ústemesi 15 paıyzdan aspaýy tıis, - dep habarlady departamentten.
Tekserý qorytyndysy boıynsha zańbuzýshylyqqa jol bergen kásipkerler ákimshilik jaýapkershilikke tartyldy.
Eske salsaq, osyǵan deıin Aqmola oblysynda tekserilgen balalar taýarlarynyń 43%-y talapqa saı emestigi habarlanǵan.
