ShQO-da azyq-túlik baǵasyn negizsiz kótergen 30-ǵa jýyq kásipker jaýapqa tartyldy

ÓSKEMEN. KAZINFORM — Shyǵys Qazaqstan oblysynda áleýmettik mańyzy bar azyq-túlik baǵasyn negizsiz kótergen 30-ǵa jýyq kásipker ákimshilik jaýapkershilikke tartyldy. 

ShQO saýda jáne tutynýshylardyń quqyqtaryn qorǵaý departamentiniń málimetinshe, áleýmettik mańyzy bar azyq-túlik taýarlarynyń baǵasyn baqylaý kúsheıtilgen.

— Jyl basynan beri saýdagerler tarapynan 155 ákimshilik quqyqbuzýshylyq tirkeldi. Onyń 77-si áleýmettik mańyzy bar taýarlar baǵasyn negizsiz kóterýge qatysty. Tekserý nátıjesinde 50 kásipkerge eskertý jasaldy, al 27-sine aıyppul salyndy, — delingen aqparatta.

Azyq-túlik baǵasyn baqylaý úshin oblysta 125 monıtorıngtik top jumys isteıdi. Baǵanyń ósýin tejeý maqsatynda qandaı jumys atqarylyp jatqandyǵyn ShQO kásipkerlik jáne ónerkásip basqarmasynan málim etti.

— Óńir aýmaǵynda 425 aýyl sharýashylyǵy jármeńkesi uıymdastyrylyp, taýarlar halyqqa qoljetimdi baǵada satyldy. 27 saýda ornynda turaqtandyrý qorynyń taýarlary tómendetilgen baǵamen satylýda. Ondaǵy baǵalar kelesideı: kúrish — 423 tg/kg, qaraqumyq — 177 tg/kg, kúnbaǵys maıy — 706 tg/kg, qant — 424 tg/kg, rojkı — 299 tg/kg, — delingen málimette.

Eske salsaq, osyǵan deıin Qazaqstan óńirlerinde zimbir men bal baǵasy qansha ekendigin jazǵanbyz.