ShQO-da az qamtylǵan otbasylarǵa azyq-túlik pen maska taratylýda

ÓSKEMEN. QazAqparat – Shyǵys Qazaqstan oblysy Úrjar aýdanynda «Biz birgemiz!» aktsııasy aıasynda qaıyrymdylyq sharalary qolǵa alynýda, dep habarlaıdy QazAqparat.

Aýdannyń eljandy azamattary, iri sharýa qojalyq ıeleri men jeke kásipkerler ıgi maqsattaǵy is-sharalarǵa bilek sybana qatysyp jatyr.

«QR Tuńǵysh Prezıdenti Nursultan Nazarbaev elimizdi bereke-birlikke shaqyrǵan qundy maqalasyn jarııalap, ótpeli kezeńde judyryqtaı jumylý qajettigine erekshe toqtaldy. Osy oraıda Úrjar aýdanyndaǵy barlyq aýyldyq okrýgterde az qamtylǵan otbasylarǵa, kópbalaly januıalarǵa, múmkindigi shekteýli jandarǵa azyq-túlikpen birge qurbandyqqa shalynǵan mal eti taratylýda», - deıdi aýdandyq ishki saıasat bóliminiń basshysy Eldos Beısenov.

Onyń aıtýynsha, «Biz birgemiz!» aktsııasyna Baqty aýylyndaǵy ár jyldardaǵy mektep túlekteri, bilim ordalarynyń ujymy, memlekettik qyzmetkerler, dárigerler, volonterler jáne jerles sportshylar úles qosýda.

«Olar turǵyndarǵa azyq-túlik dorbalary men medıtsınalyq maskalar taratty. Jalpy tótenshe jaǵdaı jarııalanǵannan beri aýdan boıynsha 20 mln teńgeden astam qarjy mólsherinde qaıyrymdylyq sharalary júzege asyryldy. Aldaǵy ýaqytta ıgilikti ister jalǵasyn taba bermek», - deıdi bólim basshysy.