ShQO-da az qamtylǵan otbasylardyń úılerine ýly gazdy anyqtaıtyn datchıkter ornatylýda

ÓSKEMEN. QazAqparat – Shyǵys Qazaqstan oblysynda qutqarýshylar turmysy tómen otbasylardyń úılerine ýly gazdy anyqtaıtyn datchıkter ornatýda, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, qutqarýshylar jylytý maýsymynyń aldynda jeke turǵyn úılerdi aralap, tekserý júrgizýde. Ásirese áleýmettik osal otbasylardyń úılerine basa nazar aýdarylǵan.

«Búginde Shyǵys Qazaqstanda az qamtylǵan otbasylar, múgedekter, ataýly áleýmettik kómekke muqtaj jalǵyzbasty qarttar turatyn 8172 jer úı bar. Ulan aýdanynda TJD qyzmetkerleri kópbalaly januıalardyń úılerine ýly gazdy anyqtaıtyn datchıkterdi ornatty. Osyndaı jumystar aldaǵy ýaqytta da jalǵasyn tappaq», - dep habarlady vedomstvo ókilderi.

Qutqarýshylardyń aıtýynsha, atalmysh datchıkter jazataıym oqıǵalardyń aldyn alý úshin qajet. Kóp jaǵdaıda jer úılerde adam ólimi peshtegi ýly gazdyń saldarynan bolyp jatady.