ShQO-da aıyppulyn tólemegen 90 júrgizýshiniń kóligi arnaıy turaqqa qoıyldy
ShQO Polıtsııa departamenti baspasóz qyzmetiniń málimetine súıensek, tártip saqshylary óńir aýmaǵynda «Boryshker» jedel aldyn alý sharasyn júrgizýde.
Bundaǵy maqsat – jol erejesin buzyp, aıyppul tólemeı júrgenderdi anyqtaý. 4 kún ishinde 1,7 mln teńgeden astam aıyppul óndirilgen.
«Reıd barysynda barlyǵy 412 avtokólik tekserildi. 133 aıyppul sol jerde óndirildi. Qaýlylardy oryndamaǵany úshin 90 júrgizýshiniń kóligi arnaýly turaqqa jetkizilgen. Aıyppuldy májbúrlep óndirip alý úshin 5,1 mln teńge somasyna 397 qaýly jeke sot oryndaýshylaryna jiberildi», - dedi oblystyq PD jergilikti polıtsııa qyzmetiniń bastyǵy Talǵat Nurıev.
Esterińizge sala ketsek, osyǵan deıin ShQO-da bireýdiń kóligin aıdap ketken 19 jastaǵy qyz baǵanaǵa soǵylǵanyn habarlaǵan edik.