ShQO-da aıyppulyn tólemegen 137 júrgizýshiniń kóligi arnaıy turaqqa qoıyldy
ÓSKEMEN. QazAqparat – Shyǵys Qazaqstan oblysynyń polıtseıleri aıyppul tólemegen 137 júrgizýshiniń kóligin arnaıy turaqqa qoıdy, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, «Boryshker» jedel aldyn alý sharasynyń maqsaty – ákimshilik aıyppuldardy óndirý.
Úsh kún ishinde tártip saqshylary 17 mln teńgeden astam somasynda 1460 aıyppuldy óndirgen.
Sondaı-aq 15 mln teńge mólsherindegi 1171 aıyppul májbúrli túrde óndirip alý úshin sot oryndaýshylaryna jiberildi.
Polıtsııa qyzmetkerleri mamandandyrylǵan turaqqa 137 avtokólikti jetkizgen.
«Máselen, Rıdder qalasynyń 39 jastaǵy turǵyny tizgindep kele jatqan Toyota markaly kólik toqtatyldy. Tekserý kezinde júrgizýshiniń tólemegen 254 006 teńge somasyndaǵy 22 aıyppuly bar ekendigi anyqtaldy. Barlyq buzýshylyqtar QR ÁQBtK-niń 592-baby, ıaǵnı belgilengen júrý jyldamdyǵyn arttyrý boıynsha jasalǵan. Osyǵan baılanysty boryshkerdiń kóligi aıyppuldardy tolyq ótegenge deıin arnaıy turaqqa qoıyldy», - dedi ShQO PD Ákimshilik polıtsııa basqarmasynyń bastyǵy Ernar Bazarov.
