ShQO-da aıyppuly tólenbegen 110 kólik aıyp turaǵyna qoıyldy
ShQO Polıtsııa departamenti baspasóz qyzmetiniń málimetine súıensek, tártip saqshylary óńir aýmaǵynda «Boryshker» jedel aldyn alý sharasyn júrgizdi. 3 kún ishinde memleket bıýdjetine 29 mln teńgeden astam qarajat óndirilgen. Sondaı-aq jol erejesin buzyp, aıyppul tólemegen 110 adamnyń avtokóligi mamandandyrylǵan turaqqa qoıyldy.
«Polıtseıler Óskemende Hyundai markaly kólikti tizgindegen Nur-sultan qalasynyń 30 jastaǵy turǵynyn toqtatty. Onyń «Sergek» apparattyq-baǵdarlamalyq kesheni kameralaryna tirkelgen 8 aıyppuly bar bolyp shyqty. Bereshektiń jalpy somasy – 131 265 teńge», - dedi ShQO PD ákimshilik polıtsııa basqarmasynyń bastyǵy Ernar Bazarov.
Barlyq quqyq buzýshylyqtar QR ÁQBtK-niń 592-baby (belgilengen qozǵalys jyldamdyǵyn arttyrý) boıynsha jasalǵan. Osyǵan baılanysty boryshkerdiń kóligi aıyppuldardy tolyq ótegenge deıin mamandandyrylǵan turaqqa qoıyldy.