ShQO-da aıyppul tólemegen júrgizýshilerden 10 mln teńge óndirildi
ÓSKEMEN. QazAqparat – Shyǵys Qazaqstan oblysynda «Boryshker» jedel aldyn alý sharasy barysynda aıyppul tólemeı júrgen kólik ıelerinen 10,54 mln teńge óndirildi, dep habarlaıdy QazAqparat.
Oblystyq Polıtsııa departamenti baspasóz qyzmetiniń málimetine súıensek, 8-16 aqpan aralyǵynda óńir boıynsha «Boryshker» jedel aldyn alý sharasy júrgizilgen. Mundaǵy maqsat – zań buzyp, ákimshilik aıyppul tólemeı júrgenderdiń boryshyn óndirý.
«Shara barysynda arnaıy mobıldi toptar quryldy. 3 kún ishinde 400-ge jýyq reıd ótkizilip, 10 540 000 teńge mólsherindegi 984 ákimshilik aıyppul óndirildi. Sondaı-aq 8 avtokólik arnaıy turaqqa qoıylǵan», - dep habarlady vedomstvo ókilderi.
