ShQO-da áıelin qorqytý úshin polıtsııaǵa jalǵan aryz túsirgen er adam sottaldy
ShQO boıynsha QAJ departamenti baspasóz qyzmetiniń málimetine súıensek, Ulan aýdanynyń turǵyny polıtsııaǵa jalǵan aryz túsirgeni úshin 2 jylǵa bas bostandyǵyn shekteldi. Er adam áıelin qorqytý úshin osyndaı qadamǵa barǵan.
Azamat jubaıymen telefon arqyly janjaldasyp qalǵan. Otbasyndaǵy avtokóliktiń ıesi bolǵan áıeli oǵan kólikti jeke maqsattaryna jıi paıdalanatynyn aıtyp sókken. Soǵan ashýlanǵan kúıeýi aǵasyna habarlasyp, kólikti garajyna jetkizip berýin ótindi. Keıin polıtsııaǵa kóliktiń urlanǵanyn habarlady.
«Tártip saqshylary er adamǵa jalǵan habar berip jatsa QR QK-niń 419 babyna sáıkes qylmystyq jaýapkershilikke tartylatyny týraly eskertken. Alaıda ol muny elemeı, zańǵa qaıshy áreketin qasaqana jalǵastyrdy. Qazirgi ýaqytta sottalǵan ShQO Ulan aýdandyq probatsııa qyzmetiniń esebinde tur», - delingen aqparatta.
